ქ.თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ინიციატივით 28 აპრილს, ლისის ტბაზე გაიხსნება ფესტივალი „თბი-ლისი“, რომელიც მოიცავს სხვადასხვა სახის აქტივობებს და ემსახურება ჯანსაღი ცხოვრების წესის დამკვიდრებას ახალგაზრდებში, მასობრივი სპორტის განვითარებას, სპორტის სხვადასხვა სახეობების პოპულარიზაციას და მოქალაქეებისთვის დასვენებისთვის, გართობისა და სპორტული აქტივობისთვის საჭირო გარემოს შექმნას. ფესტივალი, გარდა სპორტული აქტივობებისა, მოიცავს კულტურულ და საგანმანათლებლო ნაწილს. ფესტივალი 28 აპრილს, 12:00 საათზე დაიწყება სპორტული აქტივობებით და დასრულდება პოპულარული ქართული ჯგუფის, „რეზო და ბავშვები“-ს კონცერტით. სპორტულ აქტივობებში მონაწილეობის მიღება შეეძლებათ როგორც პროფესიონალ, ასევე მოყვარულ სპორტსმენებს. ღონისძიებაში აქტიურად არიან ჩართულნი პარასპორტსმენები.