ატვირთვა
ავტორიზაცია რეგისტრაცია

მე-13 ბატალიონმა GDRP-ის წინამოსამზადებელი ათეულის დონის წვრთნები დაასრულა

გაზიარება
სექტემბერი 26, 2018
574
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს შეიარაღებული ძალების I ქვეითი ბრიგადის მე-13 ბატალიონმა საქართველოს თავდაცვის მზადყოფნის პროგრამაში (GDRP) უშუალოდ ჩართვამდე წინამოსამზადებელი სწავლების ათეულის ფაზის შეფასება დაასრულა. წვრთნები ნორიოს საწვრთნელ ბაზაზე 7 კვირის განმავლობაში მიმდინარეობდა.

წვრთნების ფარგლებში სამხედრო მოსამსახურეები თავდაცვით და თავდასხმით ოპერაციებს ახორციელებდნენ. რეალურთან მიახლოებული სცენარის მიხედვით, ჯარისკაცები შორი და ახლო ჩასაფრების, არაპირდაპირ ცეცხლზე რეაგირების, შეჩერების დროს უსაფრთხოების უზრუნველყოფის, ბუნკერის აღების, დანაღმული მავთულხლართიანი დაბრკოლებების გარღვევის, კონტაქტზე რეაგირებისა და კონტაქტის შეწყვეტის დავალებებს ასრულებდნენ.

ჯარისკაცებს ნატო-საქართველოს წვრთნებისა და შეფასების ერთობლივი ცენტრის (JTEC) ინსტრუქტორები 6 დღის განმავლობაში აკვირდებოდნენ და აფასებდნენ.
ქვედანაყოფმა თავდაცვის მზადყოფნის პროგრამისთვის (GDRP) წინამოსამზადებელი სწავლების ცხრაკვირიანი ინდივიდუალური დონის მომზადება ბატალიონის დისლოკაციის ადგილზე, ახალციხეში გაიარა.

I ქვეითი ბრიგადის მე-13 ბატალიონი საქართველოს თავდაცვის მზადყოფნის პროგრამაში (GDRP) იანვრიდან ჩაერთვება.

საქართველოს თავდაცვის მზადყოფნის პროგრამა (GDRP) წარმოადგენს საქართველოს თავდაცვის სამინისტროსა და ამერიკის შეერთებული შტატების თავდაცვის დეპარტამენტის ერთობლივ პროექტს, რომლის მიზანია საქართველოს შეიარაღებული ძალების საბრძოლო ქვედანაყოფების მზადყოფნის დონის ამაღლება ტერიტორიული თავდაცვის უზრუნველსაყოფად. პროგრამა ასევე, უზრუნველყოფს მათი დაკომპლექტების, წვრთნისა და აღჭურვის შესაძლებლობების განვითარებას.

მაჩვენე მეტი