https://www.facebook.com/tvpirveli/

ტეგები: #ტვპირველი #ტელევიზია #სიახლეები #სპორტი


NBA-ს ფინალური სერიის პირველ შეხვედრაში ზაზა ფაჩულიას გოლდენ სტეიტ ვორიორზმა კლივლენდ კავალიერსს 124:114 მოუგო. მატჩის ბედი ოვერტაიმში გადაწყდა.

კლივლენდს ვერც ლებრონ ჯეიმსის ზე-შედეგიანმა თამაშმა უშველა. ლებრონმა მატჩში 51 ქულა დააგროვა. აქამდე ფინალურ სერიაში მხოლოდ 5 მოთამაშეს დაუგროვებია 50 ქულაზე მეტი. ბოლოს ეს 1993 წელს ყველა დროის უდიდესმა კალათბურთელმა მაიკლ ჯორდანმა შეძლო.

გოლდენ სტეიტის რიგებში კი გამორჩეულები იყვნენ სტეფ კარი 29 ქულით, კევინ დურანტი 26 ქულით და დეიმონდ გრინი, რომელმაც 13 ქულას 11 მოხსნა და 9 ჩაჭრა შემატა. ზაზა პარკეტზე არ შესულა.

და ფინალური სერიის კიდევ ერთი რეკორდი: გოლდენ სტეიტი და კლივლენდი თავიანთ კონფერენციებს ფინალში უკვე ზედიზედ მეოთხედ წარადგენენ, რაც NBA-ს ისტორიაში აქამდე არასდროს მომხდარა.

სერიის მეორე შეხვედრა 4 ივნისს გაიმართება.