უმრავლესობის წარმომადგენლებმა ამ ტრაგიკულ შემთხვევასთან დაკავშირებით სიხარულისაგან ხელების ფშვნეტა დაიწყეს - ეს განცხადება საქართველოს პრეზიდენტის პოლტიკურმა მრჩეველმა ფიქრია ჩიხრაძემ ბარნოვის ქუჩაზე მომხდარი მკვლელობის შემდეგ გაკეთებული განცხადებების შეფასებისას გააკეთა. ჩიხრაძე "ქართულ ოცნებას" და "ევროპულ საქართველოს" პრეზიდენტის მიზანმიმართულ დისკრედიტაციაში ადანაშაულებს და ამბობს, რომ "წინასწარმეტყველ ზარდიაშვილისგან" გაკეთებულ განცხადებას უმცირესობის წარმომადგენელი "დიდი ხალისით შეუერთდა" და პრეზიდენტის მისამართით გააგრძელა ის ბინძური და ცილისმწამებლური კამპანია, რასაც უმრავლესობა ეწევა.