* ბრიტანელი მომღერალი ლიამ პეინი თანამეგობრობის დღესთან დაკავშირებით სამეფო ოჯახის წევრების წინაშე წარდგა.
ტრადიციისამებრ, დიდ ბრიტანეთში მარტის მეორე ორშაბათს თანამეგობრობის დღე აღინიშნება. წლიდან წლამდე მას ტრადიციისამებრ ელიზაბეტ მეორე ესწრება. 12 მარტს პაპარაცებმა პეინი ვესტმინისტერის სააბატოსკენ მიმავალი გადაიღეს, სადაც მან ჯონ მაიერის „Waiting on the World to Change“ შეასრულა.
* 2018 წელს, მომღერალს გრანდიოზული გეგმები აქვს: მან გამოუშვა მეხუთე ალბომი „Man of the Woods“, კლიპი სიმღერაზე „Say Something“ ნახვების მხრივ რეკორდებს ხსნის, ამჟამად კი ცნობილი ხდება, რომ ვარსკვლავი მსოფლიო ტურნეში ოჯახთან ერთად გაემგზავრა.
ტიმბერლეიკმა აეროპორტში გადაღებული ფოტო გააზიარა, რომელსაც წარწერა – „ტურნეში მივდივართ“ დაურთო.
* რობერტ პატინსონმა, კრის ჰემსვორტმა, სირშა რონანმა, ჰეილი სტაინფელდმა, ჯეიმს კორდენმა და სხვა ვარსკვლავებმა სახალისო ვიდეოში მიიღეს მონაწილეობა, რომელშიც ბრუნო მარსის ცნობილი ჰიტის „That’s What I Like“ ქავერი შეასრულეს.
ვიდეო ჟურნალ W-ს განყოფილებაში „Lyrical Improv“ მოხვდა, რომლის ფარგლებშიც ვარსკვლავები ცნობილ ჰიტებს ლექსის სტილში კითხულობენ. მაგალითად, ჯეიმს კორდენმა და სირშა რონანმა შესანიშნავი მუსიკალური მონაცემები გამოავლინეს, ხოლო რობერტ პატინსონმა სიცილისგან თავის შეკავება ვერ შეძლო.
* ვენსან კასელმა და მისმა რჩეულმა, ტინა კუნაკიმ უქმეები რუსეთის დედაქალაქში გაატარეს. წყვილის მოსკოვში ვიზიტის მიზეზი უცნობია, ფოტოები კი სოციალურ ქსელში თავად ტინამ განათავსა. პოპულარულმა და ბოლო დროის ყველაზე რეზონანსულმა წყვილმა ქალაქის დათვალიერების შემდეგ რესტორანში, რომანტიკულ ვახშამზე გადაინაცვლა.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები