დაჭრილის მამა - სტრასბურგამდე ჩავალ და სიმართლეს მაინც დავამტკიცებ

www.Radioway.ge - "ამ წუთებში ჩემი შვილი სიკვდილს ებრძვის. მას მძინარეს ესროლეს. მის შუბლში შემავალი ტყვია თავშია გასული და ოთახის კედელი აქვს გახვრეტილი. დღეს მე მეზიზღება საკუთარი თავიც, ხელისუფლებაც და საქართველოც. ერთ-ერთმა გამომსვლელმა აღნიშნა წეღან, "ტერორისტებს ისინი თვითონ ქმნიანო". დიახ, დღეს ჩემი თავი ნამდვილად გამომყავს ტერორისტად იქამდე მიმიყვანეს", - განაცხადა პანკისში ჩატარებული სპეცოპერაციის დროს დაჭრილი 19 წლის თემირლან მაცალიკაშვილის მამამ, მალხაზ მაჩალიკაშვილმა, რომელიც ხეობაში გამართულ აქციაზე სიტყვით გამოვიდა.