ხორავას ქუჩაზე მომხდარ მკვლელობაში ბრალდებულები პირველი სკოლის მოსწავლეები არიან. ამის შესახებ ინფორაცია "რუსთავი2"-ს პირველი სკოლის დირექტორმა ხათუნა ბარაბაძემ დაუდასტურა. მისი თქმით, დაკავებული მოსწავლე, რომელსაც ბრალად დამამძიმებელ გარემოებაში მკვლელობა ედება, ბრალს არ აღიარებს თუმცა ადასტურებს რომ გარჩევაში მონაწილეობდა.

დირექტორისთვის უცნობია დანაშაულში ბრალდებული მეორე მოსწავლის ადგილსამყოფელი. ხათუნა ბარაბაძე ამბობს, რომ მას მშობლებთან კონტაქტი ჰქონდა თუმცა ოჯახი ამბობს, რომ არ იციან მათი შვილი სად იმყოფება.

მისივე ინფორმაციით, გარჩევაში პირველი ექსპერიმენტალური სკოლის ოთხი მოსწავლე მონაწილეობდა. ისინი მომხდარში მას შემდეგ ჩაერთნენ, რაც სატელეფონო შეტყობინებები მიიღეს საქმის გარჩევაში დახმარების თაობაზე.