იტალიაში აფხაზეთის წარმომადგენლობა გაიხსნა. ამის შესახებ ინფორმაცია ოკუპირებული აფხაზეთის დე ფაქტო საგარეო საქმეთა მინისტრის მოადგილემ კან ტანიამ გაავრცელა რომელიც „სამუშაო ვიზიტით“ იტალიაში იმყოფება. მისი თქმით აღნიშნულ წარმომადგენლობას დიპლომატიური ფუნქცია არ აქვს:
„ხაზგასმით უნდა აღინიშნოს, რომ ამ წარმომადგენლობას არ აქვს დიპლომატიური ფუნქცია, იმის გამო რომ იტალია აფხაზეთის რესპუბლიკის დამოუკიდებლობას არ აღიარებს. ამ წარმომადგენლობის მთავარ ფუნქციას წარმოადგენს ევროკავშირის ტერიტორიაზე მცხოვრები აფხაზეთის რესპუბლიკის მოქალაქეების უფლებების დაცვა, ასევე აფხაზ და იტალიელ ხალხს შორის ურთიერთობების განვითარება. აფხაზეთის, მისი ენის, კულტურისა და ტრადიციების პოზიტიური იმიჯის ხელშეწყობა.“- განაცხადა კან ტანიამ.