ამერიკის შეერთებული შტატების სახელმწიფო დეპარტამენტმა კონგრესს იმ რუსული კომპანიებისა და ორგანიზაციების სია გადაუგზავნა, რომლებსაც უახლოეს მომავალში შესაძლოა, სანქციები დაუწესდეთ. სახელმწიფო მდივნის რექს ტილერსონის მიერ ხელმოწერილი დოკუმენტი არ ნიშნავს, რომ სიაში მოხვედრილი ყველა კომპანიისა თუ ორგანიზაციის წინააღმდეგ სანქციები ავტომატურად ამოქმედდება, ეს უბრალოდ სახელმწიფო დეპარტამენტის შეთავაზებაა კონგრესის მიმართ.
სახელმწიფო დეპარტამენტის სიაში მოხვდნენ რუსეთის გამოძიების ფედერალური ბიურო, დაზვერვის დეპარტამენტი, გენერალური გენშტაბი და სხვები.
რუსეთის იმ მოქალაქეებისა და ორგანიზაციების განსაზღვრაზე მუშაობა, რომლებზეც ამერიკის შეერთებული შტატების ახალ სანქციები უნდა გავრცელდეს, პირველ ოქტომბერს უნდა დასრულებულიყო. თუმცა სახელმწიფო დეპარტამენტში განაცხადეს, რომ პროცესი შეფერხდა.
„ეს ძალიან რთული საქმეა და შესაძლოა, გათვალისწინებულზე მეტი დრო დასჭირდეს“,- განაცხადეს სახელმწიფო დეპარტამენტში.
რუსეთის, ირანისა და ჩრდილოეთ კორეის წინააღმდეგ სანქციების გამკაცრების კანონი მანამდე წარმომადგენლობითმა პალატამ და ამერიკის კონგრესის სენატმა დაამტკიცა, პრეზიდენტმა ტრამპმა მას ხელი 2 აგვისტოს მოაწერა. სექტემბრის ბოლოს ამერიკის შეერთებულ შტატებში განაცხადეს, რომ ახალი სანქციები ძალაში მიმდინარე წლის 28 ნოემბერს შევა.