პარლამენტის დეპუტატის, ირაკლი ხახუბიას შვილის, ბექა ხახუბიას დაღუპვის საქმეში ბრალდებული პოლიციელების პროცესი ამ წუთებში გორის რაიონულ სასამართლოში მიმდინარეობს.
დღევანდელ სხდომაზე ბრალდების მხარის მოწმეებს ჰკითხავენ. უკვე დაიკითხა გარდაცვლილი ბექა ხახუბიას ძმა, რომელმაც ხმაურიანი განცხადებები გააკეთა. მისი თქმით, მისი ძმა პატრულის არაკანონიერი ქმედების შედეგად დაიღუპა. მან ასევე განაცხდა, რომ ვერ იხსენებს რამდენიმე ფრაზას, რომელიც საპატრულო პოლიციის კამერებზეა აღბეჭდილი.
საპატრულო პოლიციის ყოფილ თანამშრომლებს, რომლებსაც უფლებამოსილება შეუჩერდათ, გამოძიება გაუფრთხილებლობით სიცოცხლის მოსპობასა და სამსახურებრივი უფლებამოსილების გადამეტებას ედავება. ისინი ბრალს არ აღიარებენ.
ძლიერი შეჯახების შედეგად, გორთან ახლოს, ავტომაგისტრალზე მდებარე გვირაბთან, ბექა ხახუბია 17 მაისს გარდაიცვალა.