მომავალი წლიდან, ხერთვისის ციხესიმაგრის დამთვალიერებლებს, კომპლექსის მიმდებარედ ახალი ტურისტული ინფრასტრუქტურა დახვდებათ.

მსოფლიო ბანკის მხარდაჭერით, შუასაუკუნეების ციხესიმაგრის ტერიტორიაზე სამუშაოები აქტიურად მიმდინარეობს.

ამ ეტაპზე ციხესთან მისასვლელ გზაზე იგება ქვაფენილი, ასევე ხდება ვიზიტორთა ცენტრის შენობის მოპირკეთება და გალავნის რეაბილიტაცია.

ინფრასტრუქტურა სრულად იქნება ადაპტირებული შეზღუდული შესაძლებლობის მქონე პირთათვის.

მიმდინარე სამუშაოების ხარისხი ინფრასტრუქტურის მინისტრმა ზურაბ ალავიძემ ადგილზე შეამოწმა.