დონალდ ტრამპს და თანაპარტიელებს შორის დაპირისპირება მწვავდება. თეთრი სახლის ლიდერი ამჯერად გავლენიან სენატორებს უპირისპირდება. მათ შორისაა ჯონ მაკკეინი, რომელმაც რესპუბლიკელების მიერ ინიცირებულ ჯანდაცვის პროგრამის რეფორმირების პროექტს მხარი არ დაუჭირა. შედეგად, ტრამპის ადმინისტრაციამ წინამორბედი პრეზიდენტის დროინდელი პროგრამის შეცვლა ვერ მოახერხა. პარტიის მხარდაჭერის დაკარგვის ფონზე, ამერიკულ მედიაში პრეზიდენტის უფლებამოსილების შეჩერების თემა აქტიურდება.