სამგლოვიარო ცერემონია 24 წლის შემდეგ. აფხაზეთის ომის 25 გმირი სამხედრო პატივით დაკრძალეს.

საომარი მოქმედებების დროს და სოხუმის დაცემის დღეს დაღუპულთა ნეშტები სამების საკათედრო ტაძრიდან გაასვენეს, სადაც მათი ხსოვნისთვის პატივის მიგება ნებისმიერ მოქალაქეს შეეძლო.

გმირების სულის მოსახსენიებელი პანაშვიდი კათოლიკოს-პატრიარქმა გადაიხადა.

ოკუპირებული რეგიონიდან წლების შემდეგ გადმოსვენებულ და იდენტიფიცირებულ ნეშტებს შორისაა 1993 წლის 27 სექტემბერს აფხაზეთის მინისტრთა საბჭოს შენობის წინ დახვრეტილ უშიშროების პოლკოვნიკ მამია ალასანიას, სოხუმის მერის და საბჭოს წევრთა ცხედრები.

მრავალწლიანი ძიების შედეგად ნეშტებს სოხუმთან ახლოს სოფელ იაშტუხაში მდებარე სამარხში მიაგნეს.