ლეიბორისტული პარტიის თბილისის მერობის კანდიდატი გიორგი გუგავა აცხადებს , რომ არჩევნებში გამარჯვების შემთხვევაში, სამეწარმეო სუბიექტებს შრომის უსაფრთხოების წესების დაცვას დაავალდებულებს.

მისი თქმით, მათი პოლიტიკური ძალის პრიორიტეტს დასაქმებულთათვის უსაფრთხო გარემოს შექმნა და ამ კუთხით კანონმდებლობის დახვეწა წარმოადგენს.

განცხადება გიორგი გუგავამ ბოჭორიშვილის ქუჩაზე მდებარე ერთ-ერთ მშენებარე საცხოვრებელ კორპუსთან გააკეთა, სადაც თანაპარტიელებთან ერთად მიმდინარე სამშენებლო სამუშაოებს და იქ არსებულ ვითარებას გაეცნო.