როგორ მზადდება დამბალხაჭო

www.Mtisambebi.ge - ფშაური ყოფისა და კულტურის განსაკუთრებული ელემენტი - დამბალხაჭო, დღითი-დღე პოპულარული ხდება და ქართულ დელიკატესზე მოთხოვნაც იზრდება. თუკი 2000-იანი წლების დასაწყისში კილოგრამი დამბალხაჭო 3-დან 5-ლარამდე ღირდა, დღეს მისი ფასი საგრძნობლადაა გაზრდილი და საშუალოდ 30 ლარს აღწევს. მიუხედავად იმისა, რომ პროდუქტი მოთხოვნადია, სარეალიზაციოდ მას ძირითადად, არაგვისა და ივრის ხეობის სოფლებში, დაახლოებით, 20-25 ოჯახი აწარმოებს. რაც, როგორც მწარმოებლები ამბობენ, ბაზრის მოთხოვნას ვერ აკმაყოფილებს.