2018 წლის მაისში ან ივნისში ორსულობის ხელოვნურად შეწყვეტის შესახებ კანონის ლიბერალიზაციის მიზნით ირლანდიაში რეფერენდუმი ჩატარდება. საყოველთაო გამოკითხვა რომის პაპის ვიზიტამდე რამდენიმე კვირით ადრე დაიგეგმება.
ირლანდიის პრემიერ-მინისტრმა ლეო ვარადკარმა აღნიშნული ინიციატივით პარლამენტს მიმართა. ვარადკარი, რომელიც ირლანდიის ლგბტ თემის წარმომადგენელი პირველი პრემიერია, მიიჩნევს, რომ არსებული კანონი აბორტის შესახებ ადამიანის უფლებებთან წინააღმდეგობაში მოდის.
ირლანდიის კანონმდებლობით, ორსულობის ხელოვნურად შეწყვეტის შემთხვევაში, ორსულობის ადრეულ ვადაზეც კი ქალს 14 წლით თავისუფლების აღკვეთა ემუქრება.
ზემოთ ხსენებული კანონის გაუქმების მოთხოვნით ირლანდიაში წლებია საპროტესტო აქციები მიმდინარეობს. გაერო-ს ადამიანის უფლებათა კომიტეტმა კანონს აბორტის შესახებ „სასტიკი და არაჰუმანური“ უწოდა.
ევროპულ სახელმწიფოებს შორის, ირლანდიის გარდა, აბორტი ორსულობის ადრეულ ვადაზე კანონით ისჯება მალტაშიც.
ორსულობის პირველი 12 კვირის განმავლობაში აბორტი ნებადართულია ევროკავშირის თითქმის ყველა ქვეყანაში.
ამ თვალსაზრისით გამონაკლისია გაერთიანებული სამეფო და ნიდერლანდები, სადაც ორსულობის ხელოვნურად შეწყვეტა კანონით მხოლოდ ორსულობის 21-ე კვირის შემდეგ იკრძალება.