საქართველო ორგანიზაციის „ღია მმართველობის პარტნიორობა“ თავმჯდომარე ქვეყანა ოფიციალურად გახდა.
შეხვედრაზე, რომელსაც 75 წევრი ქვეყნის წარმომადგენლები ესწრებოდნენ, საქართველოს თავმჯდომარის სტატუსი საფრანგეთმა გადააბარა.
მაღალი დონის ღონისძიებ ნიუ-იორკში გაერო-ს გენერალური ასამბლეის 72-ე სესიის ფარგლებში გაიმართა.
ღონისძიებაზე სიტვით გამოვიდნენ გიორგი კვირიკაშვილი და ემანუელ მაკრონი.
პრემიერმა მექსიკას მიწისძვრით გამოწვეული ტრაგედიის გამო მიუსამძიმრა, შემდეგ კი მადლობა გადაუხადა ორგანიზაციის წევრ ქვეყნებს საქართველოსთვის გამოცხადებული ნდობისთვის.
გიორგი კვირიკაშვილმა თავის სიტყვაში ღია და გამჭვირვალე მმართველობის მნიშვნელობის გაზრდაზე, მმართველობაში სამოქალაქო საზოგადოების ჩართულობის მნიშვნელობასა და კორუფციის წინააღმდეგ ბრძოლაზე ისაუბრა.
თავის მხრივ, ემანუელ მაკრონმა ყურადღება დემოკრატიისა და ღიაობის მნიშვნელობაზე გაამახვილა.
მაკრონმა საქართველოს წარმატება უსურვა და ორგანიზაციის პრიორიტეტების მიმართ მხარდაჭერა დაადასტურა.