ამერიკელმა კონგრესმენმა დეინა რორაბაკერმა პრეზიდენტს თხოვნით მიმართა, ​WikiLeaks-ის დამფუძნებელი ჯულიან ასანჟი შეიწყალოს. ინფორმაციას ამერიკული გამოცემა Wall Street Journal ავრცელებს.

როგორც კონგრესმენმა განმარტა, ასანჟს აქვს იმის მტკიცებულება, რომ რუსეთი ამერიკის შეერთებული შტატების საპრეზიდენტო არჩევნებში 2016 წელს არ ჩარეულა. აღნიშნულ საკითხთან დაკავშირებით გამოძიება აშშ-ში რამდენიმე თვეა მიმდინარეობს.

ჟულიან ასანჟი 2012 წლიდან ლონდონში მდებარე ეკვადორის საელჩოში იმყოფება. მის წინააღმდეგ წაყენებული ბრალდება შვედეთის პროკურატურამ ხუთი თვის წინ გააუქმა, თუმცა ამერიკის შეერთებულ შტატებში მას სახელმწიფო ინფორმაციის გასაჯაროებაში ადანაშაულებს.