ამ დრომდე რიგებია სარფის საბაჟო-გამშვებ პუნქტზე. საქართველო-თურქეთის საზღვარზე საავტომობილო კოლონების ნაკადი შემცირდა, თუმცა, შეფერხება ნარჩუნდება.

არასათანადო მოპყრობის ფაქტებზე საუბრობენ თურქეთის მხრიდან საზღვრის გადმოკვეთის მსურველი მოქალაქეები. მათი განცხადებით, მესაზღვრეები ხანგრძლივ რიგში მდგომ პირებს უხეშად ექცევიან.

საკითხზე ფინანსთა მინისტრის მოადგილე გუშინ უკვე შეხვდა საქართველოში თურქეთის ელჩს. კიდევ ერთი შეხვედრა მხარეებს შორის უკვე ხვალ თურქეთის ტერიტორიაზე იგეგმება.