სექტემბერი 7, 2017
503
სტიქიას ებრძვიან მესტიის მუნიციპალიტეტში. ლახამულას თემის სოფელ ნოდაში ძლიერი წვიმის გამო, მთიდან ღვარცოფი ჩამოვიდა.
დაიტბორა მოსახლეობის ეზოები და საცხოვრებელი სახლების პირველი სართულები.
ადგილობრივების თქმით, სანიაღვრე არხებმა წყლის მასა ვერ გაატარეს. როგორც მოქალაქეები აცხადებენ, არხები წლებია არავის გაუწმენდია.
ძლიერმა წვიმამ ხერაშის ღელეს ადიდება გამოიწვია მულახის ადმინისტრაციულ ერთეულში. სოფელ ჭოლასთან დამაკავშირებელი საავტომობილო გზა დაზიანებულია. ადგილზე მუშაობს მძიმე ტექნიკა და მიმდინარეობს გზის გაწმენდითი სამუშაოები.
უხვმა ნალექმა ასევე დააზიანა მულახის და მუჟალის ადმინისტრაციული ერთეულების დამაკავშირებელი საავტომობილო გზა.
მაჩვენე მეტი