შსს–ს საგანგებო სიტუაციების მართვის სააგენტოში გადაუდებელი დახმარების ოპერატიული მართვის ცენტრ „112“–დან შევიდა შეტყობინება, რომ ზაჰესის მიმდებარე ტერიტორიაზე, ფერდობზე ხანძარი გაჩნდა.
შეტყობინების მიღებისთანავე, შსს–ს მეხანძრე–მაშველები ადგილზე ოპერატიულად მივიდნენ. ხანძრის კერასთან მობილიზებული იყო 9 ერთეული სახანძრო–სამაშველო ტექნიკა და 50–ზე მეტი მეხანძრე–მაშველი.
ამჟამად ხანძარი ლოკალიზებულია და მიმდინარეობს სალიკვიდაციო სამუშაოები. შემთხვევის შედეგად, არავინ დაშავებულა.