მას შემდეგ, რაც Gem Fest-ზე 22 წლის გოგო ნარკოტიკების მოხმარებისგან მიღებული ინტოქსიკაციით გარდაიცვალა, განმუხურიდან ზუგდიდის საავადმყოფოში ახალგაზრდები თითქმის ყოველ ღამე გადაჰყავთ მძიმე ინტოქსიკაციით.

ფესტივალიდან დღეს საავადმყოფოში კიდევ 5 ახალგაზრდა გადაიყვანეს. 5-იდან 2 ახალგაზრდას დაუზუსტებელი სუბსტანციის და ნივთიერების ტოქსიკური ეფექტის დიაგნოზი დაუსვეს, მაგრამ მათი მდგომარეობა მალევე გაუმჯობესდა და ისინი გაწერეს. 3-ს კი, სხვა სიმპტომები აღენიშნებოდა.

ამის პარალელურად, პოლიცია ნარკოდანაშაულის ბრალდებით დაკავებებს განაგრძობს. დღეს სამართალდაცველებმა ირანის მოქალაქე, 5 აგვისტოს კი 5 პირი დააკავეს.

"თეთრი ხმაური" Gem Fest-ს რეკომენდაციებს აძლევს.