„ნაციონალური მოძრაობა“ იმ ადამიანთა სიის გასაჯაროებას ითხოვს, რომლებიც, პარტიის ინფორმაციით, დედაქალაქის მერმა დაასაქმა. ამის შესახებ საგანგებო ბრიფინგზე „ნაციონალური მოძრაობის“ მერობის კანდიდატმა განაცხადა.

ზაალ უდუმაშვილის განმარტებით, ერთი ხელმოწერით, მუნიციპალიტეტში 600-ზე მეტი ადამიანი არა კვალიფიკაციის მიხედვით, არამედ პოლიტიკური ნიშნით დაასაქმეს.

ბრალდებებს განცხადებით პასუხობს დედაქალაქის მთავრობა და განმარტავას, რომ თბილისის მერიაში დასაქმებული თითოეული მოხელე და ხელშეკრულებით აყვანილი საჯარო მოსამსახურე დანიშნულია კანონმდებლობის მოთხოვნათა სრული დაცვით.