გალში ინციდენტების პრევენციისა და მათზე რეაგირების მექანიზმის ფარგლებში სამუშაო ჯგუფების მორიგი შეხვედრა მიმდინარეობს. შეხვედრის დაწყების წინ,სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილემ კახაბერ ქემოკლიძემ ჟურნალისტებს ის საკითხები გააცნო, რომლებზეც ქართული მხარე დღეს გაამახვილებს ყურადღებას.
მისი თქმით, პირველ რიგში საუბარი იქნება გიგა ოთხოზორიას მკვლელობის საქმეზე გასამართლებულის რაშიდ კანჯი- ოღლის გადმოცემის შესახებ. ასევე დააყენებენ საკითხს მამა-შვილი აჩიკო და პაატა როგავების უკანონო დაკავების შესახებ. ამასთან, გაგრძელდება დისკუსია დრანდის ციხეში უკანონოდ მყოფი გიორგი ლუკავას გათავისუფლების შესახებ.
დღევანდელ შეხვედრაზე ასევე განიხილავენ ყველა იმ საკითხს, რომელიც ოკუპირებულ გალის რაიონში ბოლო ერთი თვის განმავლობაში მოხდა.