დიდუბეში შენობის დემონტაჟის დროს დაშავებულების მდგომარება მძიმეა, თუმცა მათ სიცოცხლეს საფრთხე არ ემუქრება. დაზარალებულ მუშებს უკვე ჩაუტარდათ შესაბამისი კვლევები. ორი მათგანი წმინდა მიქაელის სახელობის საავადმყოფოში მრავლობითი დაჟეჟილობებით რჩება, ერთი კი მკურნალობის კურსს ალადაშვილის სახელობის კლინიკში განაგრძობს.
წერეთელზე მომხდარ უბედურ შემთხვევას ერთი ადამიანის სიცოცხლე ემსხვერპლა. შემთხვევა დღეს დილით მოხდა.
ადგილზე ჯანდაცვის სამინისტროს შრომისა და დასაქმების სამსახურის წარმომადგენლები იმყოფებოდნენ. მათი განმარტებით პირველადი დათვალიერების მიხედვით, უსაფრთხოების ნორმები დარღვეული იყო. გამოძიება 240-ე მუხლით უკვე დაიწყო. რაც სამთო-სამშენებლო ან სხვა სამუშაო წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა ან სხვა მძიმე შედეგი გამოიწვია.
ავარიული შენობის დემონტაჟის სამუშაობს კერძო კომპანია „როიალ გრუპი“ აწარმოებდა. დიდუბეში მომხდარ უბედურ შემთხვევას ერთი ადამიანის სიცოცხლე ემსხვერპლა. შემთხვევა 10 საათზე მოხდა.