წინასაარჩევნო გარემოს მიმართ შენიშვნები აქვს NDI-ს. ამერიკის ეროვნულ-დემოკრატიული ინსტიტუტის წინასაარჩევნო დელეგაცია მოახლოებული თვითმმართველობის არჩევნების წინ 23-გვერდიან ანგარიშს აქვეყნებს.
მმართველ გუნდთან, ოპოზიციასთან და მესამე სექტორთან შეხვედრების შემდეგ ორგანიზაცია ორ პარალელურ საქართველოზე საუბრობს და რამდენიმე გამოწვევაზე მიუთითებს: ესენია-ადმინისტრაციული რესურსების გამოყენების და საზოგადოების დაყოფის საფრთხე.
ენ-დი-აის დელეგაციის აზრით, გამჭვირვალობა აკლია საკონსტიტუციო, საარჩევნო და თვითმმართველობის წინააღმდეგობრივ რეფორმებსაც.
ანგარიშის ავტორები საკონსტიტუციო პროექტს პოლარიზების გამომწვევ დოკუმენტად აფასებენ. როგორც მოსალოდნელი იყო, ენ-დი-აის ანგარიში პოლიტიკური ურთიერთბრალდებების საგანი იყო.