თათია დოლიძის მიმართ სოციალური ქსელით გავრცელებული სავარაუდო მუქარის ფაქტზე შინაგან საქმეთა სამინისტრომ გამოძიება დაიწყო.

როგორც შსს-ში აცხადებენ, საქმეზე გამოძიება სისხლის სამართლის კოდექსის 151-ე მუხლით დაიწყო, რაც გულისხმობს მუქარას და ისჯება ჯარიმით ან საზოგადოებისთვის სასარგებლო შრომით - ვადით 120-დან 180-მდე საათით ან გამასწორებელი სამუშაოთი - ვადით ერთ წლამდე, ან და თავისუფლების აღკვეთით - ვადით ერთ წლამდე.

საზოგადოებრივს უწყების პრესსამსახურში განუცხადეს, რომ ამ საკითხთან დაკავშირებით თათია დოლიძეს საგამოძიებო უწყებისთვის არ მიუმართავს.

საქმე ეხება „ქართული მარშის“ აქციის მონაწილეების სახელით თათია დოლიძის ერთ-ერთ სტატუსზე დაწერილ მუქარებსა და შეურაცხმყოფელ კომენტარებს.