თბილისში, სურბ გევორის საკათედრო ტაძრის ეზოში 16 ივლისს ტრადიციული ფესტივალი-კონკურსი „ტოლმა-2017“ მიმდინარეობს.
ფესტივალ-კონკურსზე წარმოდგენილი იქნება ტოლმის სხვადასხვა სახეობა. ფესტივალში მონაწილეობას 40 დიასახლისი იღებს. ერევნიდან ჩამოსული სპეციალური ჟიური შეაფასებს სომხური ეროვნული კერძის სხვადასხვა თვისებას. გარდა საკონკურსო ადგილებისა, იქნება შეჯიბრი რამდენიმე ნომინაციაში.
სომხური ტოლმის ფესტივალ-კონკურსს საქართველოს სომეხ ქალთა კავშირი „შუშანიკი“ საქართველოს სომეხთა ეპარქიის საეპისკოპოსოს მხარდაჭერით აწყობს.
ტოლმა სომხური ეროვნული კერძია, რომელიც მზადდება სხვადასხვა ბოსტნეულში გახვეული ხორცით. ტრადიციული სომხური ტოლმა - ეს არის ვაზის ან კომბოსტოს ფოთოლში გახვეული ხორბლით ან ბრინჯით შერეული ხორცის პატარა ნაჭრები ან გატარებული - დაკეპილი ხორცი.