ივლისი 12, 2017
175
ფოთში, კოლხეთის ეროვნული პარკის ადმინისტრაციულ შენობასთან მეთევზეების მორიგი საპროტესტო აქცია გაიმართა.
აქციის მონაწილეები საკანონმდებლო ცვლილებებს და იმ შეზღუდვების გაუქმებას მოითხოვენ, რომლის თანახმადაც მათ პალიასტომის ტბაზე გადაადგილება და თავისუფალი თევზჭერა ეკრძალებათ. აქციას პარტია „თავისუფალი საქართველოს“ იმერეთის ორგანიზაციის წარმომადგენელი გოგი წულაიც შეურთდა.
„თევზჭერა ჩვენი შემოსავლის წყაროა. ვითხოვთ დაგვეხმაროს ხელისუფლება, წინააღმდეგ შემთხვევაში ბავშვები ლუკმა-პურის გარეშე დაგვრჩება“, - ამბობს ერთ-ერთი მეთევზე მახო გაბისონია.
მეთევზეების თქმით, ეს გამაფრთხილებელი აქციაა. მოთხოვნების დაუკმაყოფილებლობის შემთხვევაში ისინი გზის ბლოკირებით იმუქრებიან.
მაჩვენე მეტი