გერმანიის პარლამენტმა ერთნაირსქესიანთა ქორწინების უფლება დააკანონა. კანონის თანახმად, ჰომოსექსუალ პირებს ჰეტეროსექსუალი ადამიანების მსგავსი უფლებები ექნებათ და ქორწინებასთან ერთად ბავშვის აყვანაც შეეძლებათ.

კანონპროქტს მხარი 393-მა დეპუტატმა დაუჭირა, 226 წინააღმდგე წავიდა, 4-მა კი თავი შეიკავა.

სოციოლოგიური გამოკითხვების თანახმად, გერმანიის მოსახლეობის ორი მესამედი აღნიშნულ საკითხს ემხრობა.

კენჭისყრის შემდეგ გერმანიის კანცლერმა განაცხადა, რომ კანონპროექტს მხარი არ დაუჭირა, თუმცა კენჭისყრა ქვეყანაში მშვიდობასა და სოციალურ ინტეგრაციას შეუწყობს ხელს.

ერთნაირსქესიანთა ქორწინების უფლება, მსოფლიოს მასშტაბით, 20-ზე მეტ ქვეყანაშია დაკანონებული.