თბილისის მერიაში მთავრობის სხდომა მიმდინარეობს. სხდომის დაწყებამდე დავით ნარმანიამ პეკინის გამზირის რეაბილიტაციის დაწყებასთან დაკავშირებით განცხადება გააკეთა. თბილისის მერის თქმით, პეკინზე რეაბილიტაცია 16 ივნისს დაიწყება. მისი თქმით, პეკინის გამზირზე მთლიანად გამოიცვლება მიწისქვეშა კომუნიკაციები, კერძოდ, წყალი, გაზი და „თელასის“ კაბელები, რის შემდეგაც მისი განმარტებით, აღდგება გზის საფარი.
"ჩვენ მივიღეთ მნიშვნელოვანი გადაწყვეტილება, 16 ივნისიდან ვიწყებთ პეკინის გამზირის რეაბილიტაციას. რეაბილიტაციის პროცესში სატრანსპორტო გადაადგილების პროცესში მარშუტები იცვლება. პირველ ეტაპზე მოძრაობა ხდება ცალმხრივი,კ ერძოდ ვაჟა-ფშაველას მხრიდან მანქანები ცალმხრივად იმოძრავებენ 26 მაისის მოედნამდე, პირიქით მიმავალი ნაკადები იმოძრავებენ კოსტავას გამზირის მიმართულებით და გადაერთვებიან სხვა ქუჩებზე. მოძრაობის მარშუტები სამარშუტო ტაქსებსა და ავტობუსებზე გამოქვეყნდება. ზაფხულში სამუშაო რეჟიმი 24 საათის განმავლობაში გაგრძელდება, რათა სექტემბრის დასაწყისში პროექტი დასრულდეს",- განაცხადა დავით ნარმაიამ.