ავჭალის სტადიონზე, საქართველოს 20 წლამდელ მორაგბეთა ნაკრებმა მსოფლიოს ჩემპიონატის ჯგუფურ ეტაპზე მეორე შეხვედრა სამხრეთ აფრიკასთან ჩაატარა. შეხვედრა ანგარიშით 14:38 დასრულდა.

ახალგაზრდა ბორჯღალოსნებმა 2 ლელო დადეს. პირველ ტაიმში ეს უჩა ჭეიშვილმა შეძლო, მეორე ნახევარში კი გიორგი გოგოლაძემ. ორივე შემთხვევაში გარდასახვა ზუსტად გელა აფრასიძემ შეასრულა.

დღეს მსოფლიო რაგბის 20-წლამდელთა ჩემპიონატის კიდევ 4 შეხვედრა გაიმართა: ჩვენს ჯგუფში არგენტინა საფრანგეთთან 25:26 დამარცხდა, შოტლანდიამ ირლანდიას ანგარიშით 32:28 მოუგო. ა ჯგუფში ავსტრალიამ სამოა 33:26 დაამარცხა.

ბე ჯგუფში ახალმა ზელანდიამ იტალია 68:26 დაამარცხა და პირველი გუნდი გახდა, რომელმაც პლეიოფის საგზური მოიპოვა.

რამდენიმე წუთში ინგლისისა და უელსის მატჩი დაიწყება, რომლის ტრანსლაციასაც საზოგადოებრივი მაუწყებელი შემოგთავაზებთ.