"სურვილების კალათა"-ასე ჰქვია საქველმოქმედო გამოფენა-გაყიდვას, რომელიც შიდსით დაავადებული და შიდსის მიზეზით გარდაცვლილთა შვილების მხარდასაჭერად გალერეა შარდენში მოეწყო.
ღონისძიება ჯანდაცვის სამინისტროს, დაავადებათა კონტროლისა და შიდსის ცენტრის ორგანიზებით გაიმართა.
ქართველმა მხატვრებმა გალერეაში საკუთარი ნამუშევრები წარმოადგინეს.
გაყიდვიდან შემოსული თანხა კი ბავშვების სურვილების ასრულებას მოხმარდება. აქცია "აუსრულე სურვილი" შიდსის შესახებ ცნობიერების და სოციალური პასუხისმგებლობის ამაღლების ერთ-ერთი პირველი მცდელობაა.
აქციის მიზანია საზოგადოებამ გაითავისოს, რამდენად მარტივია მცირეოდენი დანახარჯებით დახმარების საჭიროების მქონე ბავშვების სოციალური მდგომარეობის გაუმჯობესება და საზოგადოებაში მათი ინტეგრირება