ჩრდილოატლანტიკურ ალიანსში საქართველოს ინტეგრაცია რუსეთისთვის მიუღებელია. ამის შესახებ განცხადება ოფიციალური მოსკოვის წარმომადგენელმა ბრატისლავაში გააკეთა.
გლობალური უსაფრთხოების კონფერენცია 2017 ვიაჩესლავ ნიკონოვის პროვოკაციული და ირონიული განცხადებებით დასრულდა.
ბრატისლავაში გამართულ ერთ-ერთ სესიაზე, რუსეთის დუმის დეპუტატმა, საქართველოსა და უკრაინის საგარეო კურსი გააკრიტიკა და რუსეთს ევროპაში ყველაზე დიდი ქვეყანა უწოდა. ამ განცხადებებს კონკრეტული არგუმენტები დაუპირისპირეს სესიის სხვა მონაწილეებმა. მათ შორის საქართველოს პრემიერ-მინისტრმა, რომლის გამოსვლასაც დარბაზში ოვაცია მოყვა.
გიორგი კვირიკაშვილმა რუს პოლიტიკოსს განუმარტა, რომ საქართველო აღარ არის „პოსტ“-საბჭოთა ქვეყანა და რომ სახელმწიფო სწრაფად და დინამიურად ვითარდება.
ბრატისლავის ფორუმზე გაკეთებულ პოლიტიკურ განცხადებებს, სლოვაკეთის დედაქალაქიდან გურამ როგავა გაგვაცნობს.