ერთკვირიანი ლოდინის შემდეგ ქვეყნდება კითხვები, რომლებიც აუდიტის სამსახურს ოთარ ფარცხალაძის ქონების გამო მერიის მისამართით აქვს.
დასკვნის მიხედვით, ვერეს ხეობაში მდებარე მიწის სანაცვლოდ ყოფილი მთავარი პროკურორის კომპანიამ ხუთჯერ მეტი ღირებულების ორი ნაკვეთი მიიღო.
თორდიას უწყებას აინტერესებს, რატომ არ გაიცა 2012 წელს ახალი გზის გაყვანის დროს დაზარალებულ კომპანიაზე კომპენსაცია მანამ, სანამ ის ფარცხალაძის საკუთრება გახდებოდა.
2016 წლის 29 თებერვლის გარიგების დეტალებს ახლა პროკურატურაში სწავლობენ. მერიიდან მასალები უკვე გამოთხოვილია. ახალი გარემოებები ხდება ცნობილი 13 მაისის ინციდენტზეც, რომელიც, თორდიას მტკიცებით, სწორედ დღეს გამოქვეყნებული დასკვნის გამო მოხდა.
ნეიტრალურ მოწმეებზე დაყრდნობით გამოძიების შუალედურ ანგარიშში წერია, რომ კლუბში მომხდარი კონფლიქტის დროს ყოფილ მთავარ პროკურორს ლაშა თორდიასთვის არ დაურტყამს. დღეს პირველად ქვეყნდება სათვალთვალო კამერის ჩანაწერიც.