ატვირთვა
ავტორიზაცია რეგისტრაცია
109 006
ნახვა
30
ხელმომწერი
157
ვიდეო

JR.NBA-GBF League 2017

გაზიარება შექმენი ლუპი
მაისი 16, 2017
2 507
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
1 - მომწონს
0 - არ მომწონს

ნაციონალური საკალათბურთო ასოციაციის (NBA) და საქართველოს კალათბურთის ეროვნული ფედერაციის ურთიერთთანამშრომლობის ფარგლებში იწყება რიგით მეორე ტურნირი სახელწოდებით “, „JR.NBA – GBF ლიგა“, რომლის პარტნიორია საქართველოში ამერიკის საელჩო. ტურნირის მხარდამჭერნი არიან კალათბურთის რეგიონალური ფედერაციები და სპორტისა და ახალგაზრდულ საქმეთა სამინისტრო. „JR.NBA – GBF ლიგაში“ 2005-2006-2007 წლებში დაბადებულ ვაჟთა და გოგონათაგან დაკომპლექტებული გუნდები იასპარეზებენ.

ჯუნიორ ნბა, გოგონათა და ვაჟთათვის კალათბურთის ლიგის გლობალური ახალგაზრდული პროგრამა მოიცავს ფუნდამენტალურ საფუძვლებს, ასევე თამაშის მთავარ ფასეულობებს, რომლებიც თავის მხრივ ეხმარება მომავალ კალათბურთელებს, ასევე მწვრთნელებსა და მშობლებს, გაიღრმავონ სათამაშო ცოდნა და გამოცდილება. მსოფლიოს 34 ქვეყნის მასშტაბით 2016-2017 წლების სეზონის ჯუნიორ ნბა-ში მონაწილეობას იღებს 7 მილიონი ბავშვი.

ლიგის კალენდარი შედგენილია და თამაშები სტარტს 17 მაისს აიღებს. ტურნირის შესახებ ამომწურავ ინფორმაციას ვებ-გვერდზე: jr.gbf.ge -ზე მიიღებთ, სადაც ოპერატიულად განთავსდება კალენდარი, გამართული მატჩების შედეგები და ფოტო-ვიდეო მასალები.

Junior NBA-GBF ლიგა რიგით მეორე გათამაშებაა. შარშანდელის მსგავსად, ტურნირში წელსაც 30 გუნდი მიიღებს მონაწილეობას და გათამაშების სისტემა ამერიკის ნაციონალური საკალათბურთო ასოციაციის ანალოგიური იქნება. ჯგუფებიდან საუკეთესო 2-2 გუნდი პლეი ოფში გავა. მათ დაემატება კონფერენციების (დასავლეთი და აღმოსავლეთი) მიხედვით დივიზიონის 2-2 საუკეთესო მესამეადგილოსანი და ჯამში 16 გუნდი ჩემპიონობისთის ბრძოლას პლეი ოფიდან გააგრძელებს.

Junior NBA-GBF ლიგის ჩემპიონი ივნისის თვეში გამოვლინდება. მანამდე კი შეგიძლიათ ამ საინტერესო ლიგას მატჩებზე დასწრებასთან ერთად ვებ-გვერდის, jr.gbf.ge-ის საშუალებითაც უგულშემატკივროთ.

მაჩვენე მეტი