ლუკა ზარანდიას გოლი პოლონეთის თასის ფინალურ შეხვედრაში. ქართველ ფორვარდის არკამ ფინალში ლეხი ანგარიშით 2-1 დაამარცხა. თამაშის ძირითადი დრო 0-0 დასრულდა.

ახალგაზრდა ქართველი ფორვარდი შეხვედრაში 71-ე წუთიდან ჩაერთო და საკუთარი გუნდის გამარჯვებაში უდიდესი წვლილი შეიტანა.

ზარანდიამ დამატებით დროში შესანიშნავი სოლო რეიდი განახორციელა და შორეულ კუთხეში აუღებელი დაურტყა მეტოქის გოლკიპერს. იმ მომენტში ანგარიში 2-0 გახდა.

ლეხის ფეხბურთელებმა ერთი ბურთი ბოლოსწინა წუთზე გაქვითეს, თუმცა მეტი აღარაფერი შეცვლილა და არკა არსებობის ისტორიაში მეორედ დაეუფლა პოლონეთის თასს.