თბილისის ბავშვთა და მოსწავლე ახალგაზრდობის სპორტის ფედერაციის ეგიდით და მერიის მხარდაჭერით, 8 აპრილიდან სტარტი აიღო სასკოლო სპორტულმა ოლიმპიადამ, რომელშიც დედაქალაქის 240 საჯარო და კერძო სკოლის მოსწავლეები იღებენ მონაწილეობას.

გაიმართა 3-3-ზე კალათბურთში ფინალური შეხვედრები როგორ ვაჟებში, ასევე გოგონებში.

ვაჟების ტურნირის ფინალში 114-ე საჯარო სკოლის გუნდმა 50-ე საჯარო სკოლის გუნდი ანგარიშით 17-11 დაამარცხა და შეჯიბრის გამარჯვებული გახდა.

გოგონათა შორის ჩემპიონობა 129-ე საჯარო სკოლის გუნდმა მოიპოვა, რომელმაც გადამწყვეტ შეხვედრაში, ანგარიშით 7-6 თბილისის სკოლა-ლიცეუმის, მწიგნობართუხუცესის გუნდს აჯობა.

კალათბურთის გარდა, თბილისის საქალაქო თამაშებში მოსწავლეები ერთმანეთს მინი ფეხბურთში, მაგიდის ჩოგბურთში, კროსში, ბადმინტონსა და სპორტულ შემეცნებით ოლიმპიადაში ეჯიბრებიან.