გერმანიის გენერალურმა პროკურატურამ დაადასტურა რუსეთისა და გერმანიის ორმაგი მოქალაქეობის მქონე პირის დაკავება. ის საფეხბურთო კლუბ დორტმუნდის „ბორუსიაზე“ განხორციელებულ თავდასხმაშია ეჭვმიტანილი.

გამოძიების ვერსიით, დანაშაულის ჩადენის მოტივი, რომელსაც სამართალდამცველებმა თავდაპირველად ტერაქტის კვალიფიკაცია მიანიჭეს, ფულის მოპოვების სურვილი იყო.

როგორც პოლიციამ დაადგინა, თავდასხმის განხორციელებამდე ეჭვმიტანილმა საფეხბურთო კლუბ დორტმუნდის „ბორუსიას“ 15 ათასი აქცია შეიძინა ინტერნეტიდან, რაშიც 78 000 ევრო გადაიხადა.

თავდასხმის შედეგად, აქციების ღირებულების შემცირების შემთხვევაში, ის 4 მილიონ ევრომდე მოგებას მიიღებდა.