20 ადამიანი დაიღუპა და 22-მდე დაკარგულად ითვლება კოლუმბიაში მეწყერის ჩამოწოლის შედეგად.

სტიქია ქვეყნის ცენტრალურ ნაწილში მდებარე მანიზალესის დასახლებაში ჩამოწვა და 75 საცხოვრებელი სახლი მოიყოლა.

უსაფრთხოების მიზნით, ადგილობრივმა ხელისუფლებამ 400-მდე მცხოვრებლის ევაკუაცია განახორციელა.

ადგილზე ამ დრომდე მიმდინარეობს სამძებრო-სამაშველო ოპერაციები. ეს უკვე რიგით მეორე შემთხვევაა მიმდინარე თვეში.

1 აპრილს ქალაქ მოკოაში ჩამოწოლილ მეწყერს 300-ზე მეტი ადამიანის სიცოცხლე ემსხვერპლა.