გერმანული ავტომწარმოებელი "დაიმლერი" და კომპანია "ბოში" უპილოტო მართვის ავტომობილის ერთობლივ პროექტს იწყებენ, რომლის საბოლოო მიზანი, უპილოტო ტაქსის შექმნაა. პარტნიორობის ფინანსური დეტალები არ საჯაროვდება, თუმცა, ცნობილია, რომ "ბოში" "მერსედესის" წარმოებული უპილოტო ავტომობილის ციფრულ ტექნოლოგიებზე იმუშავებს. თუმცა, ჯერჯერობით უცნობია, როდის ჩაეშვება უპილოტო ტაქსის კომერციული პროექტი.

ანალიტიკოსები აღნიშნულ ბაზარს პერსპექტიულად მიიჩნევენ - "გოლდმან საქსის" პროგნოზით, ბაზარი, რომელიც 2015 წელს 3 მილიარდი დოლარის ღირებულების იყო, 2025 წლისთვის 96 მილიარდამდე გაიზრდება.