საქართველოს მხარდამჭერი და რუსეთის მისამართით კრიტიკული გზავნილი - კიდევ ერთ საერთაშორისო მნიშვნელობის დოკუმენტში ჩაიწერა. ამჯერად ეს გაეროს ადამიანის უფლებათა საბჭოს რეზოლუციაა.
მასში საქრთველოს ოკუპირებულ ტერიტორიებზე არსებულ რთულ ვითარებაზე, მოქალაქეების თავისუფალი გადაადგილებისა და ცხოვრების უფლების დარღვევის ფაქტებზეა საუბარი და ქვეყნის სუვერენიტეტისა და ტერიტორიული მთლიანობის პატივისცემაა დადასტურებული.
ასევე, არსებული მდგომარეობის უკეთესად გაცნობისთვის ადამიანის უფლებების საკითხებში გაეროს უმაღლეს კომისარს დაევალა მონიტორინგი, თუმცა როგორ განხორციელდება, ჯერ უცნობია.
ახალ რეზოლუციასთან დაკავშირებით რუსეთის პოზიცია უცნობია, თუმცა ჯერ კიდევ დოკუმენტის პროექტს კრემლი საქართველოს მიერ მომზადებულ პოლიტიზებულ დოკუმენტს უწოდებდა.
რეზოლუცია და შეფასებები გიორგი კობერიძის სიუჟეტში.