ატვირთვა
ავტორიზაცია რეგისტრაცია
5 107 990
ნახვა
345
ხელმომწერი
23 824
ვიდეო

პრეზიდენტის ავლაბრის რეზიდენციაში ეროვნული უშიშროების საბჭოს მორიგი სხდომა გაიმართა

გაზიარება
მარტი 23, 2017
100
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს პრეზიდენტის მოწვევით დღეს ეროვნული უშიშროების საბჭოს სხდომა გაიმართა. საქართველოს პრეზიდენტის გიორგი მარგველაშვილის განცხადებით, ეროვნული უშიშროების საბჭოს დღევანდელ სხდომაზე განიხილეს შავი ზღვის რეგიონში არსებული უსაფრთხოების გარემო, თავდაცვის სამინისტროში მიმდინარე რეფორმები და თავდაცვისუნარიანობის გაღრმავების გეგმები. პრეზიდენტის განცხადებით, საუბარი შეეხო ასევე ბრიუსელში დაგეგმილ NATO -ს სამიტს და სამიტზე საქართველოს საკითხის წარმოჩენის თვალსაზრისით კოორდინირებულად გადასადგმელი ნაბიჯებს. „თქვენ იცით, რომ ბრიუსელის სამიტზე მარტო NATO -ს წევრი ქვეყნები არიან მოწვეული. შესაბამისად, საქართველოს წინაშე მნიშვნელოვანი ამოცანა დგას - კოორდინირებულად იმოქმედონ თავდაცვამ, საგარეო საქმეთა სამინისტრომ, უშიშროების საბჭომ, პრემიერმინისტრმა, პრეზიდენტმა იმისთვის, რომ ჩვენი პარტნიორებისა და ჩვენი მხარდამჭერების მეშვეობით საქართველოს საკითხს შესაბამისი ყურადღება მიექცეს“, - განუცხადა საქართველოს პრეზიდენტმა ჟურნალისტებს. სხდომას ესწრებოდნენ საქართველოს პრეზიდენტი გიორგი მარგველაშვილი, საქართველოს ეროვნული უშიშროების საბჭოს მდივანი დავით რაქვიაშვილი, საქართველოს პრემიერ-მინისტრი გიორგი კვირიკაშვილი, საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი, საქართველოს თავდაცვის მინისტრი ლევან იზორია, გენერალური შტაბის უფროსი, ბრიგადის გენერალი ვლადიმერ ჩაჩიბაია.

მაჩვენე მეტი