89 მომხრე - 20 წინააღმდეგი: ხმაურიანი განხილვის შემდეგ ფარული მიყურადების შესახებ კანონპროექტი პირველი მოსმენით მიღებულია. კენჭისყრას წინ ისევ ურთიერთბრალდებები უძღოდა.

ამჯერად ერთმანეთს ცვლილებათა პაკეტის ერთ-ერთი ავტორი და თინათინ ბოკუჩავა დაუპირისპირდნენ. ეკა ბესელიამ ოპონენტს „უვიცი“ უწოდა. სიტუაცია იმდენად გამწვავდა, რომ ვითარების განმუხტვა პარლამენტის თავმჯდომარემ სცადა.

კანონში შესატანი ცვლილებების მიხედვით, ფარულ საგამოძიებო მოქმედებებზე წვდომა ოპერატიულ-ტექნიკურ სააგენტოს ექნება, რომელიც სუს-ის დაქვემდებარებაში იმუშავებს.

პროექტის ამ ნაწილის გარდა, ოპოზიციას შეთავაზებული მოდელის მიმართ სხვა შენიშვნებიც აქვს.