რუსთაველის გამზირზე „ნაციონალური მოძრაობის“ და რამდენიმე ოპოზიციური პარტიის საპროტესტო აქცია-მსვლელობა გაიმართა.
მსვლელობა რუსთაველის მეტროდან დაიწყო და უზენაეს სასამართლოსთან გაგრძელდა. დღევანდელი აქცია ტელეკომპანია „რუსთავი 2-ის“ მხარდასაჭერია.
როგორც „ნაციონალური მოძრაობის“ წარმომადგენლები აცხადებენ, ხელისუფლების ზეწოლით უზენაესი სასამართლო, აპირებს ტელეკომპანია „რუსთავი 2“-ის საწინააღმდეგო გადაწყვეტილება გამოიტანოს.
მსვლელობის მონაწილეებს რუსთაველის გამზირის ერთი მხარე ჰქონდათ გადაკეტილი. აქციაში მონაწილეობდნენ საკოორდინაციო საბჭოს წარმომადგენლები, რომელშიც 8 პოლიტიკური პარტია და საზოგადოებრივი ორგანიზიციები არიან გაერთიანებული.
მათი განცხადებით, დღევანდელი საპროტესტო აქცია ასევე ეხმაურება საზოგადოებრივ მაუწყებელში მიმდინარე მოვლენებს.