ცხინვალში დაკავებულ გიორგი გიუნაშვილს დე ფაქტო სასამართლომ 20 წლით პატიმრობა შეუფარდა. ოჯახი დახმარებას ითხოვს. სოფელ დისევის მკვიდრი, 1978 წელს დაბადებული გიორგი გიუნაშვილი საოკუპაციო ძალებმა 2016 წლის 8 ივნისს ე.წ. საზღვრის უკანონო კვეთის ბრალდებით დააკავეს.

მარიონეტული რეჟიმის მტკიცებით, ის დივერსიულ-ტერორისტულ საქმიანობაშია ეჭვმიტანილი. ქართულმა მხარემ გიუნაშვილის საკითხი ერგენთში ინციდენტების პრევენციისა და მათზე რეაგირების ჯგუფის შეხვედრაზე არაერთხელ დააყენა, სადაც გიუნაშვილის უპირობოდ გათავისუფლებას ითხოვდა.