საქალაქო სასამართლოში კიდევ ერთ გახმაურებულ საქმეზე იმსჯელეს - გივი თარგამაძის მანქანის აფეთქების შემდეგ დაკავებული ბორის ჩაგუნავა. მოსამართლემ პატიმრობაში დატოვა.
ცეცხლსასროლი იარაღისა და ასაფეთქებელი ნივთიერებების უკანონო შენახვაში ბრალდებული დანაშაულს აღიარებს.
ადვოკატმა საკუთარი დაცვის ქვეშ მყოფის გირაოს სანაცვლოდ გათავისუფლება მოითხოვა, თუმცა შუამდგომლობა არ დაკმაყოფილდა.
გამოძიების ინფორმაციით, სამართალდამცველებმა მანქანის აფეთქების ფაქტზე ნივთმტკიცებები სწორედ ჩაგუნავას სახლიდან ამოიღეს.
ამავე საქმეზე ბრალი კიდევ ერთ პირს აქვს წაყენებული. განზრახ მკვლელობის მცდელობაში ბრალდებული ხეჩუაშვილი ამ დრომდე იძებნება. დღეს ცნობილი გახდა, რომ ხეჩუაშვილის და ჩაგუნავას საქმეები ერთმანეთისგან განცალკევდა.