მიხეილ სააკაშვილი ერთიანი „ნაციონალური მოძრაობის" დაშლის მიზეზებზე საუბრობს. ყოფილი პრეზიდენტის განცხადებით, პარტიას ის ნაწილი ჩამოშორდა, რომელმაც განახლება ვერ მოახერხა.

სააკაშვილმა აღნიშნულ საკითხზე ვრცლად გადაცემა „არჩევანში“ ისაუბრა და პროცესი დადებითად შეაფასა.

მისი თქმით, პარტიიდან წასულების უმრავლესობა ყოფილი მაღალი თანამდებობის პირები იყვნენ და ისინი ოპოზიციაში გადასვლას ვერ შეეგუვნენ.

ექსპრეზიდენტმა არც ყოფილი თანაპარტიელების მოსყიდვა გამორიცხა. ის მიიჩნევს, რომ პარტიიდან წევრების გასვლა უფრო ადრე იყო დაგეგმილი, რაზეც ,,ერთიან ნაციონალურ მოძრაობაში” ახალი პარტიის ,,ევროპული საქართველოს” ჩამოყალიბება მიუთითებს.