გიორგი შერმადინის მორიგი შთამბეჭდავი მატჩი ესპანეთის საკალათბურთო ჩემპიონატში.

გუშინ, „რივერ ანდორამ“, საკუთარ დარბაზში, სევილიას „რეალ ბეტისი“, დამაჯერებლად, ანგარიშით 95-69 დაამარცხა, რაშიც ყველაზე დიდი წვლილი, სწორედ ქართველმა ცენტრმა შეიტანა.

შერმადინმა 26 წუთში, 22 ქულა და 11 მოხსნა გააკეთა. საქართველოს ნაკრების კალათბურთელი სარგებლიანობის მხრივ, ორივე გუნდში საუკეთესო იყო.

„ანდორელთა“ კიდევ ერთი ქართველი კალათბურთელის, ბექა ბურჯანაძის ანგარიშზე: 6 ქულა და 3 მოხსნაა. ამ გამარჯვების შემდეგ, „ანდორა“ ლიგა ენდეზაში მერვე ადგილზეა და პლეი-ოფის ზონაში იმყოფება.