კრიშტიანო რონალდო, ფიფას ვერსიითაც, წლის საუკეთესო ფეხბურთელია. გუშინ ციურიხში გამართულ გალა-დაჯილდოების ცერემონიალზე, პორტუგალიელი სუპერვარსკვლავი საღამოს ტრიუმფატორი გახდა და ფიფას მიერ დაწესებული ახალი დიზაინის, მთავარი პრიზი -“ზე ბესთ” გადაეცა.
შეგახსენებთ, რომ რამდენიმე კვირის წინ რონალდომ "ფრანს ფუტბოლის" გამოკითხვაშიც გაიმარჯვა.
31 წლის ფეხბურთელმა, გასულ წელს მოიგო ევროპის ჩემპიონატი, უეფას ჩემპიონთა ლიგა, სუპერთასი და მსოფლიოს საკლუბო ჩემპიონატი, ყველა ამ ტურნირში ჩატარებულ 57 შეხვედრაში გაიტანა 55 გოლი.
წლის მწვრთნელის ტიტული, ლესტერის თავკაცს, იტალიელ კლაუდიო რანიერის გადაეცა, რომელმაც, ყველასათვის მოულოდნელად, თავის გუნდს ინგლისის პრემიერლიგა მოაგებინა.
ფერენც პუშკასის სახელობის პრიზით კი მალაიზიელი ფეხბურთელი მოჰდ ფაიზ სუბრი დაჯილდოვდა, რომლის მიერ გატანილი გოლი წლის ულამაზეს გოლად აღიარეს.